Работа сталовых на пастаянным кантролі

Камісія, у склад якой уваходзяць супрацоўнікі цэнтра гігіены і эпідэміялогіі, цэнтра па забеспячэнні дзейнасці устаноў адукацыі, упраўлення адукацыі, праводзіць пастаянны маніторыг сталовых у навучальных установах Смаргоншчыны, кантралюе працэс прыгатавання ежы, захоўванне прадуктаў, утылізацыю адходаў, каб сталовыя працавалі ў адпаведнасці з усімі патрабаваннямі беларускага заканадаўства.

Перад пасяджэннем камісіі было праведзена субяседаванне з кіраўнікамі ўстаноў адукацыі раёна на прадмет іх валодання нарматыўнымі дакументамі і патрабаваннямі да арганізацыі дзіцячага харчавання.

Адным з пытанняў, якому на пасяджэнні надалі пільную ўвагу, было ўвядзенне ў навучальных установых новых прынцыпаў арганізацыі харчавання. Як адзначыў старшыня камісіі, намеснік старшыні райвыканкама Ігар Шчасны, працэс ідзе паспяхова. Праўда, гэта патрабуе пэўнага абнаўлення абсталявання: школы і дзіцячыя сады камплектуюцца параканвектаматамі патрэбнай магутнасці, спліт-сістэмамі для падтрымання патрэбнай тэмпературы ў месцах захоўвання прадуктаў. Таксама праводзяцца рамонты ў кухнях і сталовых дзіцячых садоў №№ 3 і 5, запланаваны рамонтныя работы і ў іншых навучальных установах, дзе ў гэтым ёсць патрэба.

Віялета ВОЙТКА.

Фота аўтара.

Похожие новости

Не ў дзяржавы крадзеш, у дзяцей

Паспрачаемся аб густах: чым будуць карміць школьныя сталоўкі?

О контроле за организацией школьного питания

"Ребенка надо накормить, и нормально накормить". Что Александр Лукашенко требует от системы питания в школах?