Паважаныя працаўнікі і ветэраны машынабудаўнічай галіны!
Віншуем вас з прафесійным святам!
28 верасня – Дзень машынабудаўніка
Общество
28.09.2025
Машынабудаванне ідзе ў авангардзе стратэгічнага развіцця краіны, тэхналагічнага прагрэсу і інавацый. У гэтай галіне засяроджаны каласальны прафесійны і інтэлектуальны патэнцыялы. У канструктарскіх бюро і на машынабудаўнічых прадпрыемствах працуюць моцныя, разумныя і адказныя спецыялісты, якія разумеюць, што ад выніку іх работы ў многім залежаць функцыянаванне ўсіх галін эканомікі і надзейнасць абаронна-прамысловага комплексу краіны.
Перакананы, што магутны патэнцыял галіны і сістэмная падтрымка дзяржавы дадуць магчымасць Смаргоншчыне ўпэўнена рухацца наперад, вырашаць вялікія стратэгічныя задачы, развіваць эканоміку і ўмацоўваць славу нашага рэгіёна як аднаго з галоўных цэнтраў айчыннага машынабудавання.
Дзякуем ветэранам і работнікам галіны за нялёгкую працу і жадаем моцнага здароўя, поспехаў, дабрабыту, міру і ўзаемаразумення ў сем’ях!
Раённы выканаўчы камітэт
Раённы Савет дэпутатаў
