“Чароўны свет батлейкі” асвяціў Смаргонь
На суд журы, якое ўзначаліў акцёр Мінскага абласнога тэатра лялек “Батлейка” Уладзімір Владыка, былі прадстаўлены восем спектакляў. Конкурсныя выступленні таксама ацэньвалі акцёр Мінскага абласнога тэатра лялек “Батлейка” Міхаіл Асановіч, актрыса Мінскага абласнога драматычнага тэатра Ірына Камышава, вядучы метадыст Гродзенскага абласнога метадычнага цэнтра народнай творчасці Аліцыя Рабцава і начальнік аддзела культуры Смаргонскага райвыканкама Таццяна Ражэва.
Падчас падвядзення вынікаў журы адзначыла дыпломам кожны калектыў. А вось уладальнікамі 1 месца сталі: ўзорны лялечны тэатр “Смаргноская батлейка” (Цэнтр творчасці дзяцей і моладзі, кіраўнік – Іна Яновіч), народны тэатр лялек “Батлейка” (Залескі Дом культуры, кіраўнік – Таццяна Несцюрына) і лялечны тэатр "Батлейка" цэнтра рамёстваў "Наследие" (Гродзенскі ГЦК, кіраўнік - Тэрэса Жукоўская). Гран-пры зноў дадому павезлі артысты народнага аматарскага лялечнага тэатра “Батлейка” (Лідскі раённы цэнтр культуры і народнай творчасці, кіраўнік – Ірына Вашкевіч). Прыз глядацкіх сімпатый “Батлейка Хіт” атрымалі юныя батлейшчыкі са Смаргонскага цэнтра творчасці дзяцей і моладзі.
Больш падрабязна пра VІІІ адкрыты рэгіянальны фестываль батлеечных тэатраў “Чароўны свет батлейкі” чытайце ў папяровай версіі газеты.
Галіна АНТОНАВА.