У Смаргоні прайшоў чарговы “Кірмаш вакансій”
Па словах начальніка мясцовай дзяржаўнай службы занятасці Тамары Рамановіч, апошнім часам вакантных працоўных месцаў нашмат больш, чым людзей, якія шукаюць работу. На 1 беспрацоўнага прыпадае 6 вакансій. А ўсяго іх – 650.
У “Кірмашы вакансій” удзельнічаюць разам беспрацоўныя і пенсіянеры
Прадстаўнікі кадравых службаў агрэгатнага завода, ЖРЭСа і аўтапарка сказалі, якіх работнікаў не хапае ў гэтых арганізацыях, запрасілі жадаючых на працу.
Начальнік упраўлення па працы, занятасці і сацыяльнай абароне райвыканкама Зоя Крачкоўская паведаміла аб зменах у пенсійным забеспячэнні, адзначыла, што сярэдняя заработная плата ў нашым раёне на даволі высокім узроўні. Па ёй раён займае трэцяе месца ў Гродзенскай вобласці.
Пасля заканчэння “Кірмашу вакансій” беспрацоўныя гутараць з прадстаўнікамі кадравых службаў
Юрый ЯНУШКЕВІЧ.
Фота аўтара.
