17.01.2020
У Смаргоні добрай традыцыяй сталі святы, творчыя сустрэчы з нагоды важных культурных падзей, а нараджэнне кнігі - гэта заўсёды свята.

17 студзеня ў Смаргонскім гісторыка-краязнаўчым музеі прайшла прэзентацыя доўгачаканага выдання - кнігі Уладзіміра Лiхадзедава «Смаргонь і ваколіцы. Падарожжа ў часе».

IMG_7547.jpg

Уладзімір Ліхадзедаў - філакартыст і калекцыянер, аўтар сотняў публікацый і дзясяткаў кніг, сярод якіх «Аляксандр Неўскі», «1812 год», «Святы роўнаапостальны князь Уладзімір», «Сінагогі», «Банкі Расійскай імперыі», заснавальнік гісторыка-асветніцкага праекта «У пошуках страчанага».

Як сцвярджаюць супрацоўнікі музея, кніга «Смаргонь і ваколіцы. Падарожжа ў часе» – выдатнае дакументальнае сведчанне, якое ілюструе гісторыю Смаргоншчыны вачыма нашых продкаў. На яе старонках можна ўбачыць арыгінальны культурна-гістарычны зрэз развіцця нашага рэгіёну на мяжы XIX - пачатку ХХ стагоддзяў.

IMG_7548.jpg

- Было вельмі шмат падводных плыняў, якія марудзілі стварэння гэтай кнігі. Але я ўдзячны ўсім, хто далучыўся да той справы, каб яна ўсё ж такі пабачыла свет, - адзначыў Уладзімір Ліхадзедаў.

Адчуць атмасферу смаргонскага краю таго перыяду падчас прэзентацыі кнігі дапамаглі ўдзельнікі ўзорнага ансамбля народнай музыкі «Гулянок» Смаргонскай дзіцячай школы мастацтваў імя. М. К. Агінскага. 

IMG_7552.jpg

 Узорны ансамбль народнай музыкі «Гулянок»


Для гасцей гучалі мелодыі, у 1990-я гады перанятыя мультыінструменталістам смаргонцам Чэславам Жыхам ад народнага музыкі Уладзіслава Буцько «з рукі на руку». Гэтая музыка гучала на Смаргоншчыне на пачатку ХХ стагоддзя і такім спосабам - «з рукі на руку» - перадавалася народнымі музыкамі на працягу стагоддзя, а сёння дайшла да нас.

Сярод гасцей на мерапрыемстве прысутнічалі начальнік галоўнага Упраўлення ідэалагічнай работы і па справах моладзі Гродзенскага аблвыканкама Аляксандр Вярсоцкі, намеснік старшыні Смаргонскага райвыканкама Генадзь Бычко, старшыня раённага Савета дэпутатаў Сяргей Кудзеньчук, начальнік аддзела культуры Смаргонскага райвыканкама Таццяна Ражэва.

IMG_7576.jpg

Аляксандр ВЯРСОЦКІ, Уладзімір ЛІХАДЗЕДАЎ і Сяргей КУДЗЕНЬЧУК


- У мяне даўно было жаданне пазнаёміцца з Уладзімірам Ліхадзедавым, - запэўніў Аляксандр Вярсоцкі. – Калі знаёмства ўсё ж такі адбылося, тады пад час нашай сустрэчы мы дамовіліся, што такія выданні (маецца на ўвазе кніга Лiхадзедава «Смаргонь і ваколіцы. Падарожжа ў часе» аўт.) мы зробім па кожным рэгіёне Гродзеншчыне.

IMG_7562.jpg

Аляксандр ВЯРСОЦКІ


Аляксандр Людвігавіч зазначыў, што яго ідэю падтрымаў старшыня Гродзенскага аблвыканкама.

- У каго была магчымасць патрымаць гэтую кнігу, могуць пацвердзіць яе ўнікальнасць. Кажуць, цэніцца тое, што нараджаецца ў муках. Як нараджалася гэтая кніга – ведаем толькі я і Аляксандр Ліхадзедаў. Таму я вельмі рады, што яе прэзентацыя адбылася, - дадаў Аляксандр Вярсоцкі.

- Уладзімір Ліхадзедаў – носьбіт той даўніны, аб якой не ўсе ведаюць. Гартаючы кнігу, кожны зможа пагрузіцца ў гісторыю роднага краю. Вельмі сімвалічна, што прэзентацыя гэтай кнігі адбылася ў дні, калі мы святкуем 80-годдзе Смаргонскага раёна, - адзначыў Генадзь Бычко.

IMG_7572.jpg

Генадзь БЫЧКО


IMG_7594.jpg

Таццяна РАЖЭВА і Уладзімір ЛІХАДЗЕДАЎ


IMG_7589.jpg

Прысутныя падчас мерапрыемства задавалі пытанні


IMG_7584.jpg

IMG_7604.jpg

Першае знаёмства з кнігай 


IMG_7606.jpg

IMG_7596.jpg

У канцы мерапрыемства Уладзімір ЛІХАДЗЕДАЎ падпісаў жадаючым асобнікі сваёй кнігі


IMG_7600.jpg

IMG_7609.jpg

Адзін асобнік быў падпісаны для рэдакцыі газеты "Светлы шлях"


Сяргей ЮРЭВІЧ.

Фота аўтара.

Поделиться:

Оставить комментарий
Текст сообщения*
Защита от автоматических сообщений