Все новости

Падчас гэтай урачыстасці ў касцёле сабраліся не толькі мясцовая вернікі. У знак адзінства і брацкай падтрымкі на свята прыехалі шматлікія святары са Смаргонскага дэканату, духавенства са сталіцы, а таксама з суседніх Жупран, Маладзечна і Вілейкі.

Па заканчэнні ўрачыстай Імшы, па старажытнай хрысціянскай традыцыі, вернікі разам са святарамі на чале з біскупам выйшлі на вуліцы горада. Калона ўрачыстай працэсіі, якая суправаджалася малітвай і спевамі, прайшла па Смаргоні.

Значнасць падзеі для раёна падкрэсліла прысутнасць афіцыйных асоб. Развіваючы дыялог паміж дзяржавай і Касцёлам, на свяце прысутнічалі прадстаўнікі мясцовай улады: Ганна Джумкова, начальнік аддзела ідэалагічнай работы і па справах моладзі райвыканкама, і Зянон Грышкевіч, старшыня Залескага сельвыканкама.

Ад імя кіраўніцтва раёна – раённага выканаўчага камітэта і Савета дэпутатаў – Ганна Уладзіміраўна звярнулася да біскупа Андрэя і ўсіх сабраных з прывітальнымі словамі і віншаваннямі.

У сваім выступленні яна адзначыла неўлічоны ўклад святароў у жыццё вернікаў, асабліва вылучыўшы іх ролю ў такой важнай справе, як духоўна-маральнае выхаванне дзяцей і моладзі. Ганна Джумкова таксама падкрэсліла пазітыўныя пераўтварэнні, якія адбыліся ў касцёле за апошнія гады, дзякуючы нястомнай працы святароў і самаадданай дапамозе парафіян.

Сімвалічным жэстам павагі стала тое, што Ганна Джумкова падарыла біскупу Андрэю карціну, створаную таленавітым смаргонскім мастаком і скульптарам, ганаровым грамадзянінам горада Смаргоні – Уладзімірам Церабуном.

У знак падзякі за служэнне парафіяне таксама падарылі біскупу свае падарункі.

Сяргей ЮРЭВІЧ

Фота аўтара