Вучань у пачатковай школе яшчэ не гатовы выбіраць будучую прафесію, але ён ужо можа марыць аб тым, кім стане, калі вырасце.
Тыдень розных прафесій
Юрий ЯНУШКЕВИЧ
10.02.2024
Да того ж, пералік прафесій вельмі рухомы, адны адыходзяць у мінулае, іншыя з’яўляюцца. Таму школьнікі маюць патрэбу ў рознабаковай інфармацыі аб прафесіях, у кваліфікаванай парадзе на этапе выбару прафесіі, падтрымцы і дапамозе на пачатку прафесійнага станаўлення.
У Сінькоўскай сярэдняй школе стала добрай традыцыяй напрыканцы студзеня - пачатку лютага праводзіць тыдзень прафарыентацыі. Прайшоў ён і сёлета.
Падчас правядзення тыдня па прафарыентацыі для вучняў былі арганізаваны мерапрыемствы, накіраваныя на падрыхтоўку школьнікаў да выбару прафесіі, аказанні ім дапамогі ў прафесійным самавызначэнні.
Тэматычны тыдзень “Прафесіі дарослых” быў праведзены для выхаванцаў дашкольнай рознаўзроставай групы. А школьнікі паўдзельнічалі ў квэст-віктарыне, міні-даследаванні, дыялогу, круглым стале, інтэрактыўнай гульні, шчырай размове “Кім быць? Якім быць?”.
Прафесіі сваіх бацькоў і сваю будучую прафесію вучні адлюсстравалі ў малюнках.
Прадстаўнікі школьнай каманды “Гаспадары Зямлі”, якая стала пераможцам раённага кірмашу праектаў “Рабочыя прафесіі – асэнсаваны выбар”, выступілі перад малодшымі вучнямі.
Тыдзень прафарыентацыі завяршыўся вечарам сустрэчы з выпускнікамі. Яны распавялі пра выбраныя прафесіі, прыкладзеныя намаганні для дасягнення сваёй мэты.
Як адзначыла намеснік дырэктара па вучэбнай рабоце Сінькоўскай СШ Галіна Жалевіч, тыдзень прафесійнай арынетацыі прайшоў паспяхова і прынёс станоўчыя вынікі, дапамог многім вучням знайсці адказы на пытанні па прафесійным самавызначэнні.
Усе мерапрыемствы, праведзеныя на працягу тыдня, садзейнічалі развіццю прафесійнай цікавасці ў вучняў, а таксама пашырэнню іх уяўленняў аб свеце прафесій.
Юрый ЯНУШКЕВІЧ
Фота прадастаўлена Сінькоўскай СШ
Интересные и актуальные новости Сморгонского района в нашем Telegram-канале. Подписывайтесь по ссылке!
