Дзень абаронцаў Айчыны і Узброеных Сіл Рэспублікі Беларусь, які адзначаецца штогод 23 лютага, самае “мужнае” свята за год. Для адных – памятная і ўрачыстая дата, для іншых – добрая нагода сабрацца з сябрамі. Так ці інакш, але Дзень абаронцаў Айчыны – гэта, перш за ўсё, агульнарэспубліканскае свята, якое мае векавую гісторыю.
Я – будучы абаронца Айчыны
Образование
23.02.2024
23 лютага для Асінаўшчызненскай пачатковай школы – гэта магчымасць лішні раз нагадаць хлопчыкам, што такое смеласць, адвага, высакароднасць і мужнасць. На працягу тыдня былі падрыхтаваны і праведзены мерапрыемствы, накіраваныя на выхаванне ў малодшых школьнікаў пачуцця патрыятызму, любові да сваёй Радзімы, фарміравання гонару за тых, хто змагаўся за незалежнасць нашай краіны.
У рамках дэкады мужнасці і патрыятызму ў школе працавала творчая майстэрня “Падарунак для таты”, дзе дзеці разам з настаўнікамі вырабілі падарункі для любімых татаў, дзядуляў, старэйшых братоў, была арганізавана выстава малюнкаў. Праведзены інфармацыйныя гадзіны ў класах, конкурсная спартыўная праграма “Я – будучы абаронца Айчыны”.
Дзеці былі актыўнымі, дарылі адзін аднаму ўсмешкі і добры настрой. Падчас эстафет вучні зразумелі: каб перамагчы, недастаткова толькі фізічнай сілы. Трэба валодаць сілай волі, быць адказным і надзейным, спрытным і знаходлівым. Свята адбылося і свет вакол нас стаў крыху дабрэйшым.
Аксана Страх,
настаўніца пачатковых класаў Асінаўшчызненскай пачатковай школы
Интересные и актуальные новости Сморгонского района в нашем Telegram-канале. Подписывайтесь по ссылке!