У філіяле “Гарадская бібліятэка №3” ўдалося стварыць атмасферу літаратурнай салодкасці ‑ калі кнігі і шакалад сталі сябрамі на адзін вечар. На гутарку “Чытанне з густам шакаладу” былі запрошаны ўдзельнікі аматарскага аб’яднання “Сямейны ачаг” і наведвальнікі бібліятэкі, якія захацелі сумясціць чытанне з салодкім задавальненнем.
Салодкі настрой у бібліятэцы
Общество
18.07.2025
Бібліятэкары расказалі гасцям пра гісторыю ўзнікнення Сусветнага дня шакаладу, правялі пазнавальную віктарыну, а таксама прадставілі агляд кніг на шакаладную тэматыку, якія ўпрыгожылі выставу “Усё будзе ў шакаладзе”.
Прысутныя з захапленнем складвалі пазлы, абмяркоўвалі кулінарныя сакрэты і дзяліліся смачнымі рэцэптамі. І, канечне ж, кожны ўдзельнік атрымаў салодкі пачастунак ‑ шакалад.
Гэтая сустрэча аб’яднала любоў да літаратуры і шакаладу, зрабіла звычайны дзень незабыўна цёплым і духмяным.
Юлія ЖУК,
загадчыца аддзела маркетынгу і сацыякультурнай дзейнасці Смаргонскай раённай бібліятэкі
