9 КАСТРЫЧНІКА - СУСВЕТНЫ ДЗЕНЬ ПОШТЫ

Паважаныя работнікі паштовай сувязі і ветэраны галіны!

Прыміце самыя цёплыя віншаванні з прафесійным святам!

У сучасным свеце паштовая сувязь застаецца адным з найбольш масавых і эканамічных сродкаў камунікацыі. Яе сацыяльную значнасць цяжка пераацаніць пошта аб’ядноўвае мільёны людзей, звязвае населеныя пункты Беларусі, краін блізкага і далёкага замежжа.

Галіна, у якой вы працуеце, пастаянна развіваецца, прымае на ўзбраенне самыя перадавыя тэхналогіі. Дзякуючы добрасумленнай працы паштавікоў, адказнаму стаўленню да сваіх абавязкаў пошта застаецца надзейным і даступным відам сувязі.

Самых шчырых слоў падзякі заслугоўваюць ветэраны галіны, многія з якіх аддалі сваёй любімай прафесіі не адно дзесяцігоддзе. Вашы веды, вопыт і навыкі, якія перадаюцца маладой змене, залог стабільнай і бесперабойнай працы паштовых аддзяленняў.

Жадаем усім работнікам пошты поспехаў у вырашэнні пастаўленых задач, новых прафесійных дасягненняў, здароўя, шчасця і дабрабыту.

Раённы выканаўчы камітэт.

Раённы Савет дэпутатаў.