1 ЖНІЎНЯ - ДЗЕНЬ ЧЫГУНАЧНІКА

 

1 ЖНІЎНЯ - ДЗЕНЬ ЧЫГУНАЧНІКА

Общество
01.08.2021
762

Дарагія сябры!

Прыміце шчырыя віншаванні з прафесійным святам Днём чыгуначніка!

Чыгуначны транспарт заўсёды займаў важнае месца ў развіцці Беларусі. І сёння чыгунка застаецца лакаматывам эканомікі, сімвалам прагрэсу і руху наперад.

Адказнасць, самааддача і мэтанакіраванасць, з якой чыгуначнікі падыходзяць да сваёй працы, гавораць пра тое, што нам па плячы любыя задачы.

З упэўненасцю глядзець у будучыню дазваляе і ўзяты стратэгічны курс на мадэрнізацыю і ўкараненне інавацый. Зроблены значны крок наперад у развіцці электронных сэрвісаў абслугоўвання пасажыраў, праведзены комплекс мерапрыемстваў па павелічэнні прапускных здольнасцяў станцый і ўчасткаў, мадэрнізацыі грузавых тэрміналаў.

Праца чыгуначнікаў знаходзіць разуменне і падтрымку ў кіраўніцтва краіны. Давер, якi аказваюць дзяржава і грамадства, ставіць перад Беларускай чыгункай задачу і ў далейшым павышаць якасць і канкурэнтаздольнасць паслуг.

Дарагія сябры! Дзякуй за вашу штодзённую карпатлівую працу, прафесіяналізм і добрасумленнасць. Асобную падзяку выказваем нашым ветэранам за іх адданасць справе і за тую высокую планку, якую яны паставілі перад маладым пакаленнем.

Жадаем моцнага здароўя, сямейнага дабрабыту і ўсяго самага найлепшага вам і вашым блізкім!

Раённы выканаўчы камітэт.

Раённы Савет дэпутатаў.