Абараніце сябе ад грыпу!

Общество
18.09.2020
303

На Смаргоншчыне пачалася кампанія імунізацыі супраць грыпу. Вакцынацыяй павінна быць ахоплена 40 працэнтаў працуючых.

Спецыялісты нагадваюць, што прышчэпка супраць грыпу павінна прадухіліць неспрыяльныя медыцынскія, эканамічныя, сацыяльныя наступствы, звязаныя з гэтым захворваннем. Вакцына, якая завезена ў Смаргонскую ЦРБ, можа прымяняцца для імунізацыі як дарослых, так і дзяцей, пачынаючы з 6-месячнага ўзросту. Што да складанай эпідэміялагічнай сітуацыі, звязанай з каранавірусам, тут урачы сцвярджаюць, што прышчэпка ад грыпу актывізуе імунітэт у барацьбе супраць віруснай інфекцыі, у тым ліку і супраць COVID-19.

Зрабіць прышчэпку можна ў працэдурным кабінеце паліклінікі з 8.00 да 16.00. У кабінеце №37 можна прышчапіцца без накіравання ўчастковага тэрапеўта з 8.00 да 11.00. пасля агляду памочніка ўрача. У філіяле паліклінікі, што на вул. Юбілейнай, таксама выдзелены асобны кабінет для жадаючых застрахаваць сябе ад грыпу. Спецыяльная брыгада медыцынскіх работнікаў можа выехаць на дом для тых, хто не ў стане самастойна патрапіць у працэдурны кабінет.


IMG_2668.JPG

Ала СТРАШЫНСКАЯ.

Фота аўтара.

 


Актуальные новости Сморгони и Сморгонского района в нашем Telegram-канале. Подписывайтесь по ссылке!