2 снежня – Дзень страхавых работнікаў

Страхаванне жыцця, здароўя, аўтамабільнага транспарту, маёмасці, прафесійнай рызыкі і працаздольнасці шырока запатрабавана і стала нормай для большай часткі насельніцтва нашага раёна. І тут нам на дапамогу прыходзіць рынак страхавых паслуг, які стабільна працуе, надзейна забяспечвае абарону інтарэсаў грамадзян, дапамагае людзям набыць спакой і ўпэўненасць у заўтрашнім дні, а таксама стымулюе развіццё эканомікі.

Упэўнены, што і надалей уважлівыя адносіны да людзей, прафесіяналізм, добрасумленны падыход да справы, гатоўнасць прыйсці на дапамогу ў непрадбачаных сітуацыях будуць неад’емнымі рысамі спецыялістаў сістэмы страхавання.

Шчыра жадаем, каб у жыцці страхавых агентаў адбываліся толькі шчаслівыя выпадкі, няхай вам заўжды і ва ўсім спадарожнічае ўдача.

Здароўя, дабрабыту і шчасця вам і вашым блізкім!

Раённы выканаўчы камітэт.

Раённы Савет дэпутатаў.