З песняй па жыцці

Культура
27.04.2021 14:33
1028
Народнаму хору ветэранаў нядаўна споўнілася 45 гадоў. Творчая біяграфія калектыву – багатая. Цяпер ужо цяжка назваць дакладную колькасць яго выступленняў і выкананых песень.

хор ветеранов 1.jpg

Хор быў створаны ў 1976 годзе на базе ААТ “Смаргонскі завод аптычнага станкабудавання”. У 1986 – яму прысвоілі  ганаровае званне “народны”. Нязменным кіраўніком калектыву з’яўляецца Аляксандр Палікарпавіч Лях. Хочацца адзначыць і яго сталых удзельнікаў – Любоў Паўлаўну Шаўцову, Баляслава Юльянавіча Тамашэвіча і Чэслава Уладзіміравіча Тарасава, якія знаходзіліся ля вытокаў узнікнення калектыву. 

Хор выступае на розных сцэнічных пляцоўках Беларусі, з’яўляецца пастаянным удзельнікам творчых конкурсаў і фестываляў. Дарэчы, апошні ўдзел у II Міжнародным фестывалі-конкурсе творцасці “Планета зорак” прынёс калектыву вышэйшую ўзнагароду – Гран-пры. Але, мабыць, самую вялікую папулярнасць, аўтарытэт і прызнанне ўдзельнікі калектыву заслужылі менавіта на малой радзіме – на Смаргоншчыне.  

хор ветеранов.jpg

Асабіста я ганаруся, што ў нашым горадзе ёсць такі ўнікальны калектыў. Хочацца пажадаць яго ўдзельнікам даўгалецця, здароўя, аптымізму і новых творчых поспехаў.

Автор: Ганна САБІНСКАЯ, намеснік дырэктара РЦК.

Оставить комментарий
Текст сообщения*
Защита от автоматических сообщений