З ранняга ўзросту дзеці павінны разумець важнасць і неабходнасць выканання правіл бяспечнай жыццядзейнасці. З мэтай фарміравання ўяўленняў пра бяспечнае выкарыстанне запалак і агню ўвогуле ў госці да выхаванцаў рознаўзроставай групы інтэграванага навучання і выхавання Асінаўшчызненскай пачатковай школы прыйшоў Агеньчык.
17.11.2025
Ён расказаў дашкольнікам казку "Пра непаслухмяную запалку", разам з хлопчыкамі і дзяўчынкамі разважаў над тым, якія наступствы могуць чакаць чалавека, калі ён не будзе выконваць правілы бяспечнага карыстання запалкамі. На пытанне Агеньчыка "Што рабіць, калі здарыцца пажар?" - дзеці адразу ўпэўнена адказалі, што неабходна тэлефанаваць па нумару 101.
Пасля выхаванцы разам з Агеньчыкам гулялі ў гульню "Дзе агонь?", падчас якой узгадалі, дзе можна сустрэць агонь і як яго можна выкарыстоўваць.
На развітанне Агеньчык падарыў дзецям дыдактычную гульню "Агонь - сябар, агонь - вораг", якая вельмі ім спадабалася. З яе дапамогай выхаванцы змаглі даведацца, калі можна сябраваць з агнём, а калі ён можа нечакана пераўтварыцца ў вельмі лютага ворага.
Алена Біслюк,
выхавальнік дашкольнай адукацыі Асінаўшчызненскай пачатковай школы
Поделиться:
Статьи по теме:
Оставить комментарий
Войти через соцсети