З мэтай фарміравання ўяўленняў пра правы чалавека, выхавання маральных якасцей дзіцяці ў рознаўзроставай групе інтэграванага навучання і выхавання ў Асінаўшчызненскай пачатковай школе прайшла гульня-падарожжа "Аб правах, гуляючы".
17.10.2025
Хлопчыкі і дзяўчынкі адправіліся падарожнічаць па станцыях.
На прыпынку "Аб правах у вершах" выхаванцы з дапамогай вершаваных радкоў пазнаёміліся з паняццем "права" і з асноўнымі правамі чалавека. Апынуўшыся на станцыі "Правы казачных герояў", будучыя школьнікі разважалі над тым, хто і чые правы парушыў у той ці іншай казцы. Далей былі прыпынкі "Станоўчыя і адмоўныя персанажы", "Скончы выказванне", "Так ці не".
У канцы падарожжа дзеці прыйшлі да высновы, што правы дадзены чалавеку з самага яго нараджэння і ніхто не можа парушаць правоў іншага чалавека.
Алена Біслюк,
выхавальнік дашкольнай адукацыі Асінаўшчызненскай пачатковай школы
Поделиться:
Статьи по теме:
Оставить комментарий
Войти через соцсети