Аператыўны канал: інфармацыя Смаргонскага раённага аддзела Следчага камітэта

Происшествия
13.04.2018 12:10
2034
У адным гарадскім магазіне з ячэйкі камеры захоўвання быў украдзены поліэтыленавы пакет, дзе захоўваліся харчовыя прадукты, мабільны тэлефон і жаночыя пальчаткі. Усё гэта належала жыхарцы нашага горада, якой быў прычынены матэрыяльны ўрон на 383 рублі.
кража.jpg

*       *       *

Беспрацоўны, раней судзімы жыхар Смаргоні залез у суседні пакой у інтэрнаце па вул. Юбілейнай і ўкраў банкаўскую пластыкавую картку, якая належала жыльцу суседняга пакоя. Потым у банкаматах і магазінах горада злодзей зняў з украдзенай карткі 68 рублёў.

*       *       *

Вырваўшы прабой у дзвярах жылога дома ў сельскай мясцовасці, нехта ўкраў каля 70 кілаграмаў мяса. Асоба злодзея ўстаноўлена. Ім аказаўся мясцовы жыхар.

*       *       *

Дзве жыхаркі аграгарадка, якія нідзе не працуюць, з незамкнёнай хаты ў гэтым жа населеным пункце ўкралі 4 бляшанкі свіной і адну бляшанку тушонкі з ялавічыны. У гэтай жа пацярпелай жанчыны адна са зладзеек украла харчовыя прадукты і пасцельныя прыналежнасці.

*       *       *

Раней судзімы мужчына ўкраў кашалёк, у якім захоўваліся 100 рублёў. Грошы належалі пенсіянеру. Як высветлілася, незадоўга да ўчынення злачынства мужчыны разам распівалі спіртныя напіткі.

*       *       *

Выкарыстоўваючы інтэрнэт, зламыснік незаконна патрапіў на старонку ваеннаслужачага і вёў ад яго імя перапіску з іншымі карыстальнікамі старонак у інтэрнэце з мэтай завалодання рэквізітамі банкаўскіх пластыкавых картак.

*       *       *

Спецыялісты лабараторыі аналітычнага кантролю за навакольным асяроддзем на тэрыторыі аднаго з заводаў незаконна атрымалі ўзнагароджанне за станоўчую экспертызу адабраных пробаў паветра.

Інфармацыю раённага аддзела Следчага камітэта падрыхтаваў да друку Юрый ЯНУШКЕВІЧ.

Поделиться:

Оставить комментарий
Текст сообщения*
Защита от автоматических сообщений