“Абаранкавая акадэмія” запрашае”. У Смаргоні пачаў працаваць фестываль-кірмаш

Пасля галоўнымі гераінямі сцэны сталі абараначніцы. Абаранкі, якія выпякалі нашы майстрыхі, напрыканцы 19 – пачатку 20 стагоддзяў былі вядомыя далёка за межамі Смаргоні, а падчас фестывалю-кірмашу яны адкрылі ў Смаргоні “Абаранкавую акадэмію”, дзе запрацавалі восем факультэтаў, пра адметнасць якіх тут жа паведамілі гасцям свята і прапанавалі ўсе наведаць.

Ну, і якое свята без галоўнага сімвала горада Смаргоні – Мядзведзя? Выхаванец мядзведжай акадэміі таксама павітаў прысутных і нават станцаваў для іх.

На адкрыцці фестывалю былі і ганаровыя госці. Сярод іх - Вадзім Пабядзінскі, начальнік галоўнага ўпраўлення перапрацоўчай прамысловасці Міністэрства сельскай гаспадаркі і харчавання Рэспублікі Беларусь і Андрэй Жук, намеснік старшыні Гродзенскага аблвыканкама. Яны павіншавалі ўсіх са святам. Да віншаванняў далучыўся і старшыня Смаргонскага райвыканкама Генадзь Харужык.

Учора, 16 чэрвеня, на пачатку святочных мерапрыемстваў да 520-годдзя горада Смаргоні, быў падняты сцяг Смаргоні, а сёння, 17 чэрвеня, узнялі сцяг фестывалю-кірмашу “Смаргонскія абаранкі”. Ганаровая права падняць сцяг было прадстаўлена Вадзіму Пабядзінскаму і намесніку старшыні Смаргонскага райвыканкама Таццяне Шчэберака.

 Павіталі на адкрыцці імпрэзы і гасцей  з гарадоў-пабрацімаў  Расійскай  Федэрацыі: дэлегацыю з Гусева Калінінградскай вобласці, Арзамаса Ніжагародскай вобласці і Вязьмы  Смаленскай вобласці.

У сваю чаргу госці з Расійскай Федэрацыі выказалі словы ўдзячнасці за запрашэнне на свята. Да іх далучыліся Сяргей Бохан і Генадзь Владыка, намеснікі старшынь Маладзечненскага і Лідскага райвыканкамаў.

Прывітаў прысутных і Епіскап Лідскі і Смаргонскі Парфірый.

Галіна АНТОНАВА.

Фота аўтара.