На базе Смаргонскага доследнага лясгаса прайшоў абласны семінар па ахове працы

 

На базе Смаргонскага доследнага лясгаса прайшоў абласны семінар па ахове працы

Общество
17.10.2019
1337
На базе Смаргонскага доследнага лясгаса быў праведзены семінар па ахове працы для работнікаў лясной галіны Гродзенскай вобласці. Ён распачаўся на тэрыторыі паляўнічага комплексу, які знаходзіцца ў Арэхаўцы.

Перад удзельнікамі семінара выступіла з інфармацыяй начальнік міжраённага аддзела Дэпартамента дзяржаўнай інспекцыі працы Святлана Шатохіна. Яна  распавяла аб траўматызме на вытворчасці, прыняцці неабходных мер па яго прадухіленні.

IMG_7232.JPG

Потым прадстаўнікі лясгасаў накіраваліся на лесасеку, дзе ім расказалі аб правядзенні лесанарыхтоўчых работ. Тут жа было паказана, як пры дапамозе розных тэхнічных сродкаў можна бяспечна пакласці на зямлю сасну, якая завісла паміж дрэў.

IMG_7275.JPG

На лесапункце Смаргонскага доследнага лясгаса, што знаходзіцца у горадзе каля чыгуначных пуцей, увага была звернута на бяспеку падчас загрузкі піламатэрыялаў у вагоны. У гэты час работнікі стаяць на спецыяльнай металічнай пляцоўцы, якая размешчана на ўзроўні верхняга краю вагона. Каб папярэдзіць падзенне з вышыні і траўміраванне людзей, спецыялісты сталічнай фірмы прадэманстравалі спецыяльнае страховачнае прыстасаванне. Адна яго частка надзяваецца на работніка і замацоўваецца на целе, потым прышпільваецца карабін з трывалай стужкай, якая пры дапамозе спецыяльнага фіксатара мацуецца да парэнчы пляцоўкі. Калі нават і аступіцца работнік, то не будзе траўміраваны, бо павісне на страховачным прыстасаванні паміж пляцоўкай і зямлёю. Тут жа была звернута ўвага работнікаў лесу на правільнае складзіраванне перад пагрузкай бярвенняў, піламатэрыялаў.

IMG_7326.JPG

IMG_7339.JPG

IMG_7243.JPG

IMG_7481.JPG

IMG_7517.JPG

IMG_7601.JPG

IMG_7608.JPG

У дрэваапрацоўчым цэху “Бялкоўшчына” ўдзельнікі абласнога семінару па ахове працы паглядзелі прадукцыю, выкананне работ, забяспечанасць работнікаў сродкамі індывідуальнай аховы.

IMG_7627.JPG

IMG_7669.JPG

Потым у лясгасе былі падведзены вынікі гэтага мерапрыемства.

Юрый ЯНУШКЕВІЧ

Фота аўтара.

Статьи по теме: