Падчас мітынгу на Дзень Перамогі ў Смаргоні пасля рэстаўрацыі адкрылі помнік загінуўшым воінам і партызана

Общество
09.05.2019 12:25
1061
Урачыстае шэсце па галоўнай вуліцы горада завяршылася ля помніка загінуўшым воінам і партызанам.

У Дзень Перамогі адбылося яго ўрачыстае адкрыццё пасля рэстаўрацыі. Права перарэзаць чырвоную стужку атрымалі старшыня раённага выканаўчага камітэта Генадзь Харужык, старшыня раённага Савета дэпутатаў Сяргей Кудзяньчук і дырэктар ТАА “Стоун хол” Аляксандр Карпенка. Да малітвы за ўсіх загінуўшых воінаў прысутных запрасілі айцец Анатоль Рэзановіч і ксёндз Алег Жураўскі”.

Падчас урачыстага мітынгу ля помніка прысутнічалі ветэраны, вайскоўцы, прадстаўнікі райвыканкама і сельвыканкамаў, члены грамадскіх арганізацый. Звяртаючыся да жыхароў і гасцей горада, Генадзь Харужык адзначыў: “Усё менш і менш ветэранаў застаецца на свеце. На Смаргоншчыне 74-ю гадавіну Перамогі сустракае 17 ветэранаў. Мы смуткуем аб тых, хто да яе не дажыў, славім тых, хто нягледзячы на паважны ўзрост застаецца ў страі. Грамадзянскі доўг кожнага беларуса – акружыць увагай і клопатам тых, хто набліжаў Дзень Перамогі”.

Ад імя вайскоўцаў са святам павіншаваў ваенны камісар Леанард Гружэўскі: “Галоўная зброя народа – вера. Сіла нашай арміі – гонар, доўг, патрыятызм. І ніякая зброя не змагла пераламіць гэтага”.

Старшыні сельвыканкамаў устанавілі лампады памяці, прыгадалі, колькі жыхароў з вёсак Смаргоншчыны загінула і прапала без вестак у гады вайны. Шчымлівая музычна-танцавальная кампазіцыя “Дзеці вайны”, здаецца, кранула кожнае сэрца. А завяршыўся святочны мітынг хвілінай маўчання і ўскладаннем кветак да помніка.

IMG_0795.JPG

IMG_0798.JPG

IMG_0799.JPG

IMG_0803.JPG

IMG_0804.JPG

IMG_0805.JPG

IMG_0808.JPG

IMG_0814.JPG

IMG_0832.JPG

IMG_0833.JPG

IMG_0842.JPG

IMG_0857.JPG

16.JPG

Віялета ВОЙТКА.


Фота аўтара. 


Оставить комментарий
Текст сообщения*
Защита от автоматических сообщений