Адкрыццё выставы Сяргея Савіцкага “Над часам і прасторай”

Выставки
08.01.2018 12:44
1170
З першых дзён 2018 года ў музеі-сядзібе М. К. Агінскага пачала працаваць выстава Сяргея САВІЦКАГА “Над часам і прасторай”.
IMG_4938.JPG

Музей-сядзіба М.К. Агінскага – чароўнае і атмасфернае месца, якое натхняе творчых людзей на працу.

Паэты, пісьменнікі, мастакі вельмі любяць гэтыя мясціны, яны адзначаюць, што Залессе валодае прыцягальнай, магічнай сілай.

На базе музея пастаянна ладзяцца выставы мастакоў і фотамастакоў.

Днямі ў аранжарэі распачалася выстава Сяргея Савіцкага.

IMG_4932.JPG


Сяргей Іванавіч нарадзіўся ў 1950 годзе ў Забайкаллі. Скончыў школу і Усходне-Сібірскі тэхналагічны ўніверсітэт. Служыў ў Арміі на тэрыторыі Манголіі. З 1975http://www.shliah.by/bitrix/images/1.gifгода жыве і працуе ў горадзе Маладзечна. Амаль пяць год працаваў на радыёзаводзе на розных пасадах. Жывапісам пачаў займацца з 1985 года. Наведваў народную мастацкую студыю Палаца культуры горада Маладзечна. Творчыя прыёмы засвойваў і ўдасканальваў самастойна, выкарыстоўваючы класічную тэхніку жывапісу. З 1992 года ўдзельнічаў у розных выставах на тэрыторыі Беларусі і за яе межамі. На працягу апошніх год прайшлі асабістыя выставы мастака ў Мінску, Маладзечна, Смаргоні, Вілейцы. Шматлікія працы знаходзяцца ў замежных асабістых калекцыях.

Асноўная тэма прац экспазіцыі “Над часам і прасторай ” -  разнастайнасць акаляючага свету праз асобныя фрагменты часу і прасторы. Назіранне над прыродай, яе магічнымі з’явамі, духоўнае жыцце чалавека, пошук кропак жыццевай раўнавагі, светлы вобраз маці, праблема чалавечага выбару таксама знайшлі адлюстраванне ў творчасці мастака. Карціны Сяргея Іванавіча напоўнены жыццём, пазітывам, паэзіяй.

Атрымаць асалоду ад пранікнёных прац Сяргея Іванавіча Савіцкага можна будзе на працягу двух месяцаў у знакамітай аранжарэі М.К. Агінскага.

IMG_4926.JPG

Наталля ЧУДАКОЎСКАЯ.


Поделиться:

Оставить комментарий
Текст сообщения*
Защита от автоматических сообщений