Станіслаў Манюшка ў Залессі

Культура
05.11.2019 18:18
362
Беларуска-польскі кампазітар, аўтар першай беларускамоўнай оперы “Ідылія”, аперэт і балетаў, стваральнік польскай нацыянальнай оперы, класік вакальнай лірыкі, дырыжор, прафесар Музычнага інстытута ў Варшаве – усё гэта ён, Станіслаў Манюшка.

Сёлета яго двухсотыя ўгодкі святкуе ўвесь музычны свет – і прафесіяналы, і аматары добрай музыкі. 1 лістапада ў сядзібе Міхала Клеафаса Агінскага прайшло ўрачыстае адкрыццё выставы “Станіслаў Манюшка. Падарожжа ў XIX стагоддзе”.

У Залессе выстава перакачавала з Дзяржаўнага музея гісторыі тэатральнай і музычнай культуры Рэспублікі Беларусь – філіяла Нацыянальнага гістарычнага музея Рэспублікі Беларусь. 

IMG_5054.JPG

IMG_5058.JPG

Яе прэзентавала загадчык музея Зінаіда Кучар. На экспазіцыі прадстаўлены партрэты Станіслава Манюшкі, копіі малюнкаў, якія стварыў бацька кампазітара Чэслаў Манюшка, а таксама партрэты родных, афішы і фотаздымкі з пастановак па творах кампазітара на сцэнах сучасных тэатраў. Арганічна дапоўнілі выставу творы сучасных беларускіх мастакоў. Экспанаты былі створаны спецыяльна да юбілею кампазітара.

Зінаіда Кучар уручыла дырэктару музея-сядзібы Міхала Клеафаса Агінскага Людміле Градзіцкай кнігу “М.К. Агінскі. Шэсць паланэзаў у транскрыпцыі для фартэпіяна Станіслава Манюшкі”. 

IMG_5071.JPG

Прыгожым музычным афармленнем прэзентацыі стала выступленне выкладчыкаў Залескай школы мастацтваў Веранікі Дранковіч і Веры Міхайлавай.

IMG_5062.JPG

IMG_5095.JPG

Загадчык Дзяржаўнага музея гісторыі тэатральнай і музычнай культуры Рэспублікі Беларусь Зінаіда КУЧАР


IMG_5102.JPG

Партрэт Станіслава МАНЮШКІ


Выстава будзе працаваць да 30 лістапада.

Галіна АНТОНАВА.

Фота аўтара. 


Оставить комментарий
Текст сообщения*
Защита от автоматических сообщений