Як прайшла “Ноч” у Смаргонскім гісторыка-краязнаўчым музеі?

Культура
18.05.2019 13:39
974
Хто аказаўся вечаровай пятніцай (17 мая) у гісторыка-краязнаўчым музеі, атрымаў сапраўдную “перазагрузку”. Скінуць цяжар працоўнага тыдня (а, можа, і працоўнага года), атрымаць пазітыўныя эмоцыі ды яшчэ з карысцю правесці свой вольны час дапамаглі наведвальнікам супрацоўнікі гісторыка-краязнаўчага музея.

Спачатку правялі тэатралізаваную экскурсію па “старой Смаргоні”. Можна было нават сфатаграфавацца з мядзведзем – выхаванцам смаргонскайй акадэміі.

60446152_773622489699494_1740287629846380544_n.jpg

60361864_418541382312729_244293011037487104_n.jpg

60644532_694054361012764_8400184156633432064_n.jpg

Наведвальнікі музея паўдзельнічалі ў гульнях, у майстар-класе па традыцыйнай выцінанцы, які правяла Марына Пахомава са школы мастацтваў. 

60531137_410725642847952_2725119829773123584_n.jpg

Скульптар, заслужаны дзеяч мастацтваў Рэспублікі Беларусь Уладзімір Церабун расказаў і паказаў, як “нараджаюцца” работы з гліны. Аповед, як ствараліся “Мядзведжая акадэмія” і памятны знак да 100-гадовага юбілею пагранічнай службы Рэспублікі Беларусь, скульптар дапоўніў фотарадам.

60829022_2317848431764497_7130863171379658752_n.jpg

Дадатковую порцыю пазітыўных эмоцый падарыў узорны ансамбль народнай музыкі “Гулянок”.

60550821_883432032004825_225047060720648192_n.jpg

Напрыканцы імпрэзы галоўны захавальнік фондаў Павел Картавік пазнаёміў з археалагічнымі знаходкамі ”Інстытута гісторыі НАН Беларусі”. Сярод знаходак – фрагмент керамікі ХІ-ХІІ стагоддзяў, будаўнічы кастыль, цвікі, кельма ХІV, фрагменты старажытных жаночых упрыгожванняў і іншыя рэчы.

60343513_438201823403530_6775360688110960640_n.jpg

60856219_437040076862344_5840357182628954112_n.jpg

Галіна АНТОНАВА.

Фота аўтара. 


Оставить комментарий
Текст сообщения*
Защита от автоматических сообщений