А на нашым двары… Ці як у Смаргоні праходзіла святочная імпрэза творчых падворкаў сельсаветаў

Калейдоскоп
04.07.2018 16:48
1204
На Дзень Незалежнаасці ў гарадскім парку працавалі розныя актракцыёны, гандлёвыя палаткі, каля іх размясціліся вырабы народных майстроў. Знайшлося тут месца і для сельскіх падворкаў. Яны былі ў розных месца парку, кожны падворак меў сваю адметнасць і каларыт.

На вішнеўскім падворку ішло прыгатаванне юшкі, каб потым усе, хто пажадаў, маглі паспытаць яе на смак. Не дарэмна Вішнева з яго ваколіцамі з’яюляюцца азёрным краем. Тут многа рознай рыбы.

У кабачок “12 крэслаў”, які размясціўся на Залескім падворку, завіталі старшыня райвыканкама Генадзь Харужык і яго намеснікі, старшыня раённага аб’яднання прафсаюзаў Вікенцій Найдзіч. Іх з жартамі і сцэнкамі сустрэлі работнікі культуры названага вышэй аграгарадка.

Весела было на сольскім падвор’і. Іграла музыка, гучалі песні. Хто меў жаданне –мог патанцаваць. Старшыня прафсаюза работнікаў АПК Віталь Івашка не ўтрымаўся ад такой спакусы і з сімпатычнай кабетай пусціўся ў скокі.

Жодзішкаўскі падворак быў адметны даматканымі вырабамі. Ручнікі віселі на парэнчах, пакрывалы былі разасланыя на лаўках. Тут жа стаялі перавязаныя рознакаляровымі стужкамі снапы збожжа. А на стале размясціліся розныя мясныя вырабы і квасок для гасцей.

Стол на Сінькоўскім падворку ледзь не ламаўся ад шматлікіх страваў. Былі тут і пальцам піханая каўбаса, і блінцы, і вяндлінка, і бульбачка, сушкі, нават пер’е цыбулі. Над сталом узвышаўся старадаўні самавар. Культработнікі былі апранутыя ў нацыянальныя касцюмы, ветліва запрашалі гасцей на свой падворак

Прыцягваў да сябе ўвагу крэўскі падворак, на якім размясціліся лялечныя фігуры гаспадара і гаспадыні, прадметы вясковага побыту. Каля іх спыняліся прахожыя, з цікавасцю разглядалі. Добра дапасоўвалі да ўсяго гэтага жанчыны, прыбраныя адпаведна беларускім традыцыям колішніх часоў.

Аўкцыён “Кот у мяшку” праводзілі на сваім падворку каранёўскія культработнікі разам са старшынёй сельвыканкама Святланай Гаспадаровай. Дарэчы, на сваіх падворках у якасці гаспадароў былі і іншыя старшыні сельвыканкамаў раёна. А на залескім - нават кіраўнік гаспадаркі.

дзень незалежнасці 002.jpg

дзень незалежнасці 010.jpg

дзень незалежнасці 028.jpg

дзень незалежнасці 065.jpg

дзень незалежнасці 096.jpg

niOeyCfHJL4.jpg

дзень незалежнасці 212.jpg

дзень незалежнасці 256.jpg

Юрый ЯНУШКЕВІЧ.

Фота аўтара.

 

Поделиться:

Оставить комментарий
Текст сообщения*
Защита от автоматических сообщений