Праца хлебароба заўсёды ў пашане
Аўторак выдаўся не вельмі спрыяльным для работы, таму камбайнерскі экіпаж у складзе Аляксандра Тупекі і Уладзіслава Сліжэўскага з КСУП “АграСолы” ўзнагароджвалі не ў полі, а ў кабінеце начальніка ўпраўлення сельскай гаспадаркі і харчавання.
Для старшага камбайнера Аляксандра Тупекі гэта жніво адзінаццатае па ліку. Мужчына працуе вадзіцелем у райвыканкаме, а на час уборачнай кампаніі сядае за штурвал камбайна. Яго малады напарнік Уладзіслаў Сліжэўскі, вадзіцель з ААТ “Смаргоньаграсэрвіс”, працуе другі сезон на жніве. На іх рахунку – амаль тысяча тон намалочанага зерня.
Ад Беларускага прафсаюза работнікаў дзяржаўных і іншых устаноў камбайнеры атрымалі грашовыя сертыфікаты, ад райкама прафсаюза работнікаў АПК – кветкі.
Камбайнеры Уладзіслаў СЛІЖЭЎСКІ, Аляксандр ТУПЕКА, старшыня райкама прафсаюза работнікаў АПК Віталь ІВАШКА, начальнік фінансавага аддзела райвыканкама Галіна БУЛЫГА, першы намеснік начальніка ўпраўлення сельскай гаспадаркі і харчавання Аляксандр ШЫМАНОВІЧ і старшыня Беларускага прафсаюза работнікаў дзяржаўных і іншых устаноў Сяргей ХАЛЯВА
Галіна АНТОНАВА.
Фота аўтара.
