30 ліпеня - Дзень гандлю
ОФИЦИАЛЬНО
30.07.2023
Паважаныя работнікі і ветэраны гандлю!
Сардэчна віншуем вас з прафесійным святам!
Вы прадстаўляеце папулярную сферу гаспадарчай дзейнасці, прызначаную для задавальнення штодзённых патрэб чалавека. Дзякуючы вашай працы пашыраецца асартымент тавараў. За апошнія гады сучаснай і набліжанай да патрэб людзей стала сетка гандлю, павысілася культура абслугоўвання.
Прафесія гандлёвага работніка патрабуе ведаў і кампетэнтнасці, адказнасці і самааддачы, ініцыятывы і нават творчасці. Але самае галоўнае - уменне працаваць з людзьмі: быць цярплівымі, добразычлівымі і ўважлівымі. Ад вашай штодзённай працы залежаць і настрой, і якасць
жыцця, і здароўе людзей.
Дзякуй вам за працу, за тое, што працягваеце клапаціцца пра павышэнне якасці і культуры абслугоўвання, імкнецеся разнастаіць асартымент тавараў, стараецеся павысіць прывабнасць гандлёвага абслугоўвання, укараняеце сучасныя і эфектыўныя метады арганізацыі гандлю.
Жадаем вам здароўя і бадзёрасці, дабрабыту і сямейнага цяпла, усмешак пакупнікоў і эканамічнай стабільнасці!
Раённы выканаўчы камітэт.
Раённы Савет дэпутатаў.