Першая сусветная вайна, якая пракацілася вогненным смерчам па тэрыторыі Смаргоншчыны краю, захавала да нашых дзён шматлікія напаміны пра сябе. Змрочныя бетонныя збудаванні, насыпы чыгуначных дарог, глыбокія шнары траншэяў, пагоркі брацкіх і адзіночных магіл нагадваюць сёння пра тыя жахлівыя часы. Сустракаюцца сярод іх і загадкавыя аб’екты, прызначэнне якіх адразу цяжка вызначыць. Адзін з такіх помнікаў той далёкай вайны на смаргонскай зямлі знаходзіцца каля Казянятаў, і пра яго пойдзе гаворка. ...