У пятніцу, 25 ліпеня, у аграгарадку Залессе адзначалі свята вуліцы Савецкай – сэрца аграгарадка.
У Залессі адзначылі свята вуліцы Савецкай
Общество
28.07.2025
Вуліца Савецкая аграгарадка Залессе заслугоўвае, каб пра яе гаварылі, таму што амаль усе ўдзельнікі самадзейнай мастацкай творчасці Залесскага Дома культуры жывуць менавіта на Савецкай. Тут жа жывуць і творча працуюць таленавітыя майстрыхі Дома рамёстваў.
Старшыня сельвыканкама Зянон Грышкевіч павіншаваў жыхароў Залесся са святам вёскі.
Былая старшыня сельвыканкама Ала Шыцікава падзялілася цікавымі фактамі:
“Вялікую ролю ў гісторыі Залесся адыграла чыгуначная станцыя. Яшчэ ў царскія часы яна была адной з найбуйнейшых на лініі Мінск – Вільня. Тут быў і буфет, і тэлеграф – нават у Смаргоні і Маладзечна такога не мелі”.
На свяце не забыліся і пра самага маладога жыхара вуліцы Савецкай – Арцёма Крота, якому 30 ліпеня споўніцца 1 год. Намесніца дырэктара музея-сядзібы М. К. Агінскага, дэпутат раённага Савета дэпутатаў Святлана Кенько павіншавала Арцёма і яго маму Вольгу, уручыўшы ім памятны падарунак.
Сяргей ЮРЭВІЧ
Фота аўтара
