Лета. Канікулы. Вучні Асінаўшчызненскай пачатковай школы сталі выхаванцамі лагера «Усмешка». Сёлета яны адправіліся ў падарожжа «У пошуках скарбаў». Кожны дзень на карце падарожжа яны расколваюць арэшкі са словам (назвай каштоўнасці): «Радзіма», «Здароўе», «Дабрыня»…
Выхаванцы «Усмешкі» кожны дзень шукаюць скарбы
Общество
11.06.2025
У адзін з чэрвеньскіх дзён хлопчыкі і дзяўчынкі ў межах дня беларускай культуры здзейснілі падарожжа па краіне «Беларускія святы». Выхаванцы вандравалі па незвычайных станцыях: «Каляды», «Масленіца», «Вялікдзень», «Радаўніца», «Купалле», «Дажынкі», «Пакровы», «Дзяды». Дзеці даведаліся пра беларускія народныя святы, абрады і традыцыі нашых продкаў
Пасля гэтага яны накіраваліся на экскурсію ў музейны пакой «Хлеб у доме гаспадар», дзе больш падрабязна пазнаёміліся са святамі «Зажынкі» і «Дажынкі». Даведаліся, што Пакровы – старажытнае земляробчае свята славян, якое адзначалася як пара заканчэння палявых работ.
На працягу дня дзетвара з задавальненнем удзельнічала ў беларускіх народных гульнях, слухала песні, адгадвала загадкі. Усё гэта спрыяла добраму настрою. У час мерапрыемстваў сапраўды дзеці далучыліся да скарбаў нацыянальнай культуры.
Марына КЛУНДУК,
выхавальнік выхаваўча-аздараўленчага лагера «Усмешка»
