На абласным адкрытым фестывалі гульні “Карнавал весялосці” народны тэатр гульні “Завадатар” са Смаргоні атрымаў перамогу. Такім чынам зрабіў сабе падарунак да 20-гадовага юбілею.
Народны тэатр гульні “Завадатар” стаў пераможцам на адкрытым фестывалі гульні “Карнавал весялосці”
Общество
21.09.2021
“Завадатар” працуе пры Смаргонскім раённым цэнтры культуры. У вытокаў стварэння народнага тэатра стаяла Марына Клуйша (цяпер яна – галоўны спецыяліст аддзела культуры райвыканкама). Мяняліся кіраўнікі і ўдзельнікі тэатра, нязменным заставаўся цудоўны гумар і талент акцёраў.
На абласным конкурсе ў Воранаве цяперашнія ўдзельнікі калектыву Людміла Барахоўская, Маргарыта Бунь і Вольга Крывянкова прадставілі сюжэтна-гульнёвую праграму “Смаргонскія абаранкі-забаўлянкі”. Падчас прэзентацыі праграмы публіка даведалася пра гісторыю з’яўлення абаранак і пра сакрэты выпечкі смаргонскага брэнда, прыняла ўдзел ў цікавых “абараначных” гульнях.
Журы адзначыла спецыяльным прызам фестывалю арыгінальны сцэнарый, які стварыла кіраўнік калектыву Вольга Крывянкова.
Галіна АНТОНАВА.
Фота з архіву РЦК.