Пры Жодзішкаўскай парафіі ў лясной капліцы ў Дубку ўшанавалі Маці Божую Курганскую

Общество
11.07.2019 08:37
462
У першую нядзелю ліпеня ў лясной капліцы ў Дубку адзначылі традыцыйны адпуст Маці Божай Нястомнай Дапамогі, якую тут вось ужо 90 гадоў ушаноўваюць пад назваю «Курганскай».

Як распавядае партал Catholic.by, гэтая «неафіцыйная» назва засталася ў памяці мясцовых вернікаў як рэха даўняй мінуўшчыны, калі мясцовасць Дубок называлася таксама Курганамі. Тут, у лясах уздоўж берагоў Віліі, захавалася шмат старадаўніх курганоў, на адным з якіх і была пабудавана амаль стагоддзе таму драўляная капліца.

Даведка: Капліца ў Дубку размешчана ў Астравецкім раёне і належыць да парафіі Найсвяцейшай Тройцы ў Жодзішках, дзе вось ужо 15 гадоў пастырскае служэнне нясе кс. Павел Калеснік.

2019-07-07-dubok-006.jpg

2019-07-07-dubok-001.jpg

2019-07-07-dubok-002.jpg

Яе асвяціў 90 гадоў таму, 6 мая 1929 года, ва ўрачыстасць Найсвяцейшай Тройцы біскуп Уладзіслаў Бандурскі са Львова пад тытулам Маці Божай Нястомнай Дапамогі.

Абраз для цэнтральнага алтара капліцы намаляваў тады прэфект Свянцянскай гімназіі ксёндз Баляслаў Грамза. На жаль, той першы абраз Маці Божай Курганскай да нашага часу не захаваўся.

2019-07-07-dubok-005.jpg

Затое захавалася пабудаваная тут у міжваенны час Кальварыя Маці Божай Смуткуючай, якая складаецца з сямі стацый на ўспамін сямі смуткаў-боляў Маці Божай Балеснай. Па ёй прайшлі ўдзельнікі нядзельнай урачыстасці, якія сабраліся з усяго наваколля і нават з суседняй Літвы. Многія жыхары даўняга Віленскага краю, якія тут нарадзіліся і гадаваліся, цяпер жывуць за мяжою, але захоўваюць любоў і прывязанасць да сваіх родных мясцінаў.

2019-07-07-dubok-009.jpg

2019-07-07-dubok-010.jpg

Па запрашэнні ксяндза Паўла Калесніка, пробашча з Жодзішак, які духоўна апякуецца вернікамі ў Дубку, на адпуст сабраліся святары з навакольных парафій на чале з дэканам Смаргонскім кс. канонікам Леанардам Станкоўскім.

Цэлебрацыю ўрачыстай святой Імшы ўзначаліў кс. Юрый Ясевіч, святар з Беларусі, які цяпер вучыцца ў Папскім літургічным інстытуце святога Ансэльма ў Рыме. Божае слова да сабраных прамовіў вікарый парафіі святых Космы і Дам’яна ў Астраўцы кс. Раман Вайцяховіч, які прыняў прэзбітэрскае пасвячэнне ў лістападзе мінулага года. Малады святар нагадаў, што капліца, асвячаная 90 гадоў таму, сведчыць пра глыбокую марыйную пабожнасць тутэйшых вернікаў.

2019-07-07-dubok-011.jpg

2019-07-07-dubok-014.jpg

2019-07-07-dubok-017.jpg

2019-07-07-dubok-019.jpg

2019-07-07-dubok-023.jpg

2019-07-07-dubok-029.jpg

2019-07-07-dubok-036.jpg

2019-07-07-dubok-047.jpg

2019-07-07-dubok-053.jpg

2019-07-07-dubok-060.jpg

2019-07-07-dubok-064.jpg

Гэта справядліва не толькі для католікаў з ваколіц Дубка, але таксама для ўсёй беларускай зямлі, на якой людзі з пакалення ў пакаленне аддаюць пашану Найсвяцейшай Панне Марыі, з надзеяй прыбягаючы да Яе Нястомнай Дапамогі.


Оставить комментарий
Текст сообщения*
Защита от автоматических сообщений